Линклар

Шошилинч хабар
17 октябр 2018, Тошкент вақти: 01:54

Мирзиёев МДҲга аъзо давлатлар мудофаа идоралари раҳбарлари билан учрашди


Ўзбекистон Республикаси Президенти Шавкат Мирзиёев 12 октябрь куни Мустақил Давлатлар Ҳамдўстлиги Мудофаа вазирлари кенгашининг навбатдаги мажлисида иштирок этиш учун Ўзбекистонга келган МДҲга аъзо давлатлар мудофаа идоралари раҳбарларини қабул қилди.

Бу ҳақда хабар қилган ЎзА агентлигига кўра, Учрашувда Озарбайжон мудофаа вазири З.Гасанов, Арманистон мудофаа вазири Д.Тоноян, Беларусь мудофаа вазири А.Равков, Қозоғистон мудофаа вазири Е.Ермекбаев, Россия мудофаа вазири С.Шойгу, Тожикистон мудофаа вазири Ш.Мирзо, Қирғизистон Қуролли Кучлари Бош штаби бошлиғи Р.Дуйшенбиев ва МДҲ Мудофаа вазирлари кенгаши котиби Ю.Дашкин иштирок этди.

Президент делегациялар раҳбарларини қутлар экан, МДҲ Мудофаа вазирлари кенгашининг мажлиси илк бор Тошкентда ўтказилаётгани мамлакатимизнинг Ҳамдўстлик фаолиятидаги иштироки янги босқичга кўтарилганидан далолат эканини мамнуният билан таъкидлади.

Ўтган йили Ўзбекистон Ҳамдўстликнинг иқтисодиёт, энергетика, фан ва инновациялар, жиноятчиликка қарши курашиш каби соҳаларда ҳамкорлик бўйича 10 дан ортиқ тармоқ органларига қўшилди.

Учрашувда МДҲ доирасида ҳарбий ва ҳарбий-техник ҳамкорликни, жумладан, идоралараро шерикликни янада кенгайтириш, икки ва кўп томонлама тадбирлар ўтказиш, профессионал ҳарбий кадрларни тайёрлаш масалалари кўриб чиқилди.

Халқаро ва минтақавий сиёсат, хусусан, хавфсизлик ва барқарорликни таъминлашнинг долзарб масалалари юзасидан ҳам фикр алмашилди.

XS
SM
MD
LG