Линклар

Шошилинч хабар
28 март 2024, Тошкент вақти: 16:58

АҚШда 35 кун давом этган "шатдаун" вақтинча тўхтади


АҚШ президенти Дональд Трамп Конгресс томонидан қабул қилинган, қатор идораларнинг 15 февралгача вақтинчалик бюджетини имзолади.
АҚШ президенти Дональд Трамп Конгресс томонидан қабул қилинган, қатор идораларнинг 15 февралгача вақтинчалик бюджетини имзолади.

АҚШ президенти Дональд Трамп Конгресс томонидан қабул қилинган, қатор идораларнинг 15 февралгача вақтинчалик бюджетини имзолади.

Шундай қилиб АҚШда 35 кун давом этган "шатдаун" тўхтади.

Хабарларга кўра, келгуси уч ҳафта давомида узоқ муддатли бюджет бўйича музокаралар бўлиб ўтади.

Аввалроқ, АҚШ Сенати шатдаунни 35 кунлик муддатга тўхтатиб қўйиш учун мўлжалланган қонун лойиҳасини қўллаб-қувватлади.

Қонун лойиҳаси бугунги кунда бюджетсиз қолган вазирлик ва идораларни молиялаштиришга мўлжалланган.

Ҳужжатда АҚШ ва Мексика орасида девор қурилиши учун маблағ ажратиш ҳақида айтилмаган.

Трамп АҚШ ва Мексика орасида девор қурилиши учун 5,7 миллиард доллар ажратилиши кўзда тутилмаган ҳар қандай режани имзоламаслигини айтиб келаётганди.

АҚШ Конгресси Вакиллар палатасида кўпчиликни ташкил этувчи демократлар девор қуриш маънисизлигини айтиб, пул ажратишга монеълик қилмоқда.

25 январ куни Оқ уйда қилган чиқишида президент Трамп эришилган келишим ҳукумат идораларини 15 февралгача молиялашни назарда тутишини айтди.

Президентга кўра, давлат идораси ходимлари "шатдаун" давридаги кунлари учун ҳам маошларини тўлиқ олишларини таъкидлади.

Президент Трамп ўз чиқишида Мексика ва АҚШ орасида пўлат девор қуришдан бошқа танлов йўқ, деб айтди.

"Агар Конгресс билан бу борада адолатли келишувга эришмасак 15 февралдан ҳукумат иши яна тўйхтайди ёки мен Конституция берган ваклатдан фойдаланаман", - деди Трамп.

Энг узоқ давом этган "шатдаун"

Америка ҳукумати иши 2018 йил 22 декабрдан тўхтаган эди. Бунга президент Дональд Трамп таклиф этаётган Мексика ва АҚШ орасида девор қуриш лойиҳасини молиялаш бўйича республикачилар ва демократларнинг келиша олмаётгани сабаб бўлди.

12 январь куни “шатдаун” рекорд даражага етди ва олдинги 21 кунлик кўрсаткичдан ошди.

Билл Клинтон президент бўлган 90-йилларда ҳукумат фаолияти 21 кун тўхтаб қолган, 800 мингга яқин давлат хизматчиси ё ишламаган, ёки маошсиз ишлаган эди.

Демократлар Трампнинг ўтган йили молиялаш тўғрисидаги икки партия тақдим этган қонун лойиҳасини “жаҳл қилиб” имзоламагани, бунга у қурмоқчи бўлаётган девор харажатлари қўшилмагани сабаб бўлганини айтмоқдалар.

Трамп эса девор Қўшма Штатларга Мексикадан ноқонуний иммигрантлар ва наркотиклар оқимини камайтириш учун зарур, демоқда.

Демократлар ва бошқа танқидчилар мамлакат чегарасига бундай тўсиқ кераклигига шубҳа қилади, ҳатто уни бутунлай кераксиз, деб ҳисоблайди.

XS
SM
MD
LG