Линклар

Шошилинч хабар
15 ноябр 2019, Тошкент вақти: 07:23

Ўзбек чегарачилари Тошкент аэропортида Шри-Ланка фуқароларини қалбаки паспорт билан қўлга олган


Ўзбекистон Чегара қўшинлари ҳарбий хизматчилари мамлакат ҳудудига сохта паспорт билан кирмоқчи бўлган Шри-Ланка фуқароларини қўлга олган.

Улар Малайзия паспорти билан Ўзбекистонга киришга уринишган.

Бу ҳақда ДХХ Чегара қўшинлари хабар қилди.

Хабарда айтилишича, 8 ноябрь куни Тошкент халқаро аэропортида 6 нафар шахс тақдим этган Малайзия паспортлари текширилган ва қалбаки эканлиги маълум бўлган.

Ўтказилган суриштирув ишлари натижасида ушбу шахслар аслида Шри-Ланка фуқаролари эканлиги аниқланган.

Хабарда уларга нисбатан тегишли чоралар кўрилгани айтилади, лекин айнан қандай чора кўрилгани маълум қилинмаган.

Бундан аввал Ўзбекистонга қалбаки паспорт билан киришга уринган эронликлар қўлга олинган эди.

Кўрмай қолган бўлсангиз

XS
SM
MD
LG