Ўзбекистон ва Қозоғистон Яссавия тариқати асосчиси Хожа Аҳмад Яссавий ҳақида ҳамкорликда фильм суратга олади. Бу каби келишувга “Ўзбеккино” Миллий агентлиги бош директори Фирдавс Абдухолиқов билан Қозоғистон маданият ва спорт вазири Ақтўти Раимқулованинг 23 декабрь куни бўлиб ўтган учрашуви чоғида эришилган.
“Ушбу фильм Ўзбекистон ва Қозоғистон ҳамкорлиги тарихида ноёб воқеа сифатида қардошлик муносабатларини янги босқичга олиб чиқишда муҳим аҳамият касб этиши кутилмоқда”, дейилади “Ўзбеккино” МА хабарномасида.