Линклар

Шошилинч хабар
20 октябр 2020, Тошкент вақти: 08:58

Депутатлар терговчилар томонидан қўлланган қийноқ усулларини “фашистик” деб атади


Олий Мажлис Қонунчилик палатаси йиғилишида парламент Инсон ҳуқуқлари бўйича вакилининг 2019 йилдаги фаолияти танқидий кўриб чиқилди (www.qalampir.uz, 25 февраль). Депутатларга кўра, Омбудсман терговдаги қийноқлар борасида сусткашлик қилмоқда. Бу борада Qalampir.uz сайтида эълон қилинган “Бош прокуратурадаги даҳшатли қийноқлар” номли фильм мисол сифатида келтирилган. Депутатлар прокуратура терговчилари томонидан қўлланган қийноқ усулларини “фашистик” деб атаган. Қонунчилик палатаси спикери Нурдинжон Исмоилов Омбудсман Улуғбек Муҳаммадиевга ушбу масала юзасидан Бош прокуратура бошлаган текширувда ҳамкорлик қилиш ва иш якуни бўйича ҳисобот топшириш вазифасини юклаган.

Эслатиб ўтамиз, “Бош прокуратурадаги даҳшатли қийноқлар” фильмида 2017 йилнинг кузида “Бекобод металлургия иши” бўйича турли жиноятларда айбларган фуқароларга нисбатан қийноқлар қўллангани ҳикоя қилинган. Фильмга кўра, тергов вақтида прокуратура ходимлари гумонланувчиларни аёвсиз калтаклаган, бошига “целлофан” пакет кийдирган ва бошқа жисмоний ва руҳий тазйиқ усулларини қўллаган.

Бош прокуратура фильмда тасвирланган ҳолат бўйича текширув бошланганини маълум қилган.

XS
SM
MD
LG