Линклар

Шошилинч хабар
09 август 2020, Тошкент вақти: 07:28

Расман: ОТМ ва академик лицейлар сентябрдан масофавий таълимга ҳозирлик кўрмоқда


Олий таълим муассасалари (ОТМ) ва академик лицейлар 2020/2021-ўқув йили бошида машғулотларни масофавий тарзда олиб боришга ҳозирлик кўрмоқда.

Бу ҳақда Олий ва ўрта махсус таълим вазирлиги матбуот котиби Фарҳод Бабашев маълум қилди:

"Анъанавий таълим шаклида ўқув йилини бошлаш режалаштирилган эди. Республикада эпидемиологик вазиятнинг барқарорлашиш шароитидан келиб чиқиб, Олий таълим муассасаларининг бакалавриат ва магистратурасининг юқори курс талабалари ҳамда академик лицейларнинг 2-курс ўқувчиларига янги ўқув йилини 2020 йилнинг сентябрь ойидан масофавий шаклда бошлашга ҳам тайёргарлик кўрилмоқда".

Расмий баёнотда, масофавий таълим ОТМнинг юқори курс ва академик лицейларнинг 2-курси учун ҳозирланаётгани айтилмоқда.

Бу ҳолда, бу йил ўқишга қабул қилинадиган 1-курс талабалари ўқишга қатнайдими ва агар қатнаса, улар учун таълим муассасаларида ўқиш қандай ташкил қилинади - бу ҳақда ҳозирча аниқ маълумот берилмади.

22 июль куни брифинг ўтказган Давлат тест маркази бош бошқарма бошлиғи Барно Ражабов ОТМга кириш имтиҳонлари сентябрда ўтказилиши ҳам мумкинлиги ҳақида маълум қилган эди.

Кўрмай қолган бўлсангиз

XS
SM
MD
LG