Линклар

Шошилинч хабар
20 сентябр 2020, Тошкент вақти: 15:47

Ўзбекистон Толибон ва афғон ҳукумати ўртасидаги музокараларни олқишлади


Ўзбекистон Афғонистон ҳукумати ва "Толибон" ҳаракати ўртасида инклюзив музокаралар бошланганини олқишлади.

"Афғонлараро мулоқот ўт очишни барқарор тўхтатишга олиб келади ва натижада мамлакатда мустаҳкам ва узоқ муддатли тинчликни ўрнатиш учун зарур шарт-шароитларни яратишига умида қиламиз", дейилган Ўзбекистон Ташқи ишлар вазирлиги баёнотида.

Вазирлик, шунингдек, ''сиёсий жараёнлар фақат афғонлар томонидан ва Афғонистон халқи раҳбарлигида олиб борилиши лозим'', деб таъкидлаган.

"Ўзбекистон миллий ярашувга эришиш йўлидаги томонлар саъй-ҳаракатлари ва интилишларини бундан кейин ҳам қўллаб-қувватлайди ҳамда дўст Афғонистон халқига барқарор ва фаровон давлат барпо этишда ҳар томонлама ёрдам кўрсатишда давом этади", дейилади вазирлик баёнотида.

Аввалроқ, Ўзбекистон афғонлараро музокараларнинг кейинги босқичларидан бирини Самарқандда ўтказишга тайёрлигини билдирганди.

XS
SM
MD
LG