БАЛИҚЧИ. “Андижон вилояти Балиқчи тумани Қумтeпа маҳалласи аҳли номидан ёзмоқдамиз. “Тоза ҳудуд” корхонаси ўн кунда бир марта тўпланган ахлатларни олиб кетиши керак. Лекин эллик кун бўлди, улардан дарак йўқ! Кўчаларда қоп-қоп ахлат уйилиб, сасиб ётибди. Ҳар бир жон учун 2500 сўмдан йиғиб олишади. Тўламаганларни суд ва жарима билан қўрқитишади. “Тоза ҳудуд” ходимлари ойда-йилда бир келган пайтда ҳам ҳовлима-ҳовли юрмайди, кўчанинг ўртасида тўхтаб олади, катта ёшли отахон ва онахонлар ҳам ахлат қопларни машинагача кўтариб олиб боришга мажбур.
Бу ҳам етмагандек, 27 октябрь куни маҳалламиздаги трансформатор куйиб қолди. Туман электр тармоқлари корхонаси билан боғланиб бўлмади. Оқибатда маҳалла электр энергиясидан узилиб қолди.
Қумтепа аҳли масъуллардан амалий ҳаракат талаб қилади”.
(Бу хабар Озодликка 28 октябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|