ЁЗЁВОН. “Фарғона вилояти Ёзёвон тумани марказий деҳқон бозоридан ёзмоқдамиз. Ёғингарчилик нафақат аҳоли, савдогарларга ҳам ноқулайликлар келтириб чиқармоқда. Бозорнинг орқа тарафидан автошоҳбекатга кичкина ер ажратилган. Аммо у ердаги қурилиш ишлари чала қолиб кетган. Якшанба кунлари эса автошоҳбекат товуқ бозорига айланади.
Гапираман десангиз, гап кўп. Туман аҳолисининг катта қисми ишсиз, чет элларда тирикчилик қилади, қолган қисми деҳқончилик билан кун кечиради. Ишлаб чиқариш, завод ё фабрика очиш учун шароит бор, лекин масъулларнинг парвойи палак. Туман аҳолисига эса иш керак!”
(Бу хабар Озодликка 19 май куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|