ТОШКЕНТ. “Тошкент шаҳри, Тирсакобод маҳалласидан ёзмоқдамиз. Маҳалламизда Олмазор бекати билан Сергели метросини боғлаш учун қурилиш кетмоқда. Бу қувонарли ҳол, лекин қурилиш маҳалла аҳлига катта қийинчилик туғдирмоқда. Қурувчилар жуда бетартиб ишламоқда. Йўлларимиз кавлаб ташланган, ҳатто пиёдалар ўтишига ҳам йўлак қолмаган. Яқинда кечқурун намоздан қайтаётган отахон чуқурга йиқилиб, анча вақт қолиб кетди. Бошқа кўчадан айланиб ўтсангиз, нақд ярим соат ортиқча вақт йўқотасиз. Аслида, бизнинг маҳалла 2018 йилда “Обод маҳалла” дастурига киритилган, лекин йўлларимизда бунинг мутлақо аксини кўрасиз. Масъуллардан талабимиз, кўчадан ҳеч бўлмаса пиёдалар учун йўлак қолдирилсин”.
(Бу хабар Озодликка 6 июль куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|