БАҒДОД. “Фарғона вилояти Бағдод туманидан ёзмоқдаман. Яқин қариндошим 37-умумий ўрта таълим мактабида ишлайди. Мактаб бу йил капитал таъмир дастурига киритилган экан. Аммо мактабни ўраб турган девор дастурга киритилмаган экан. Мактаб директори буйруғи билан девор ҳеч қандай хат-ҳужжатсиз бузилди. Ғиштини эса икки домла бўлишиб олди, қолгани 250 сўмдан сотилди. Деворни ўрашга келганда эса¸ мактаб қоровуллари ва фаррошлари мажбуран ишлатилмоқда. Пойдевор цементини қуйиш учун икки ёлланма ишчи олиб келиниб, кунига 70 минг сўмдан тўлаб ишлатилмоқда. Мактаб қоровулларига эса қачон шу иш тугаса, 50 минг сўмдан беришаркан. Қани адолат? Нега қоровул ва фаррошлар мажбурий меҳнатга жалб қилинмоқда? Ахир, у қоровул ва фаррошларнинг ёши катта, бундай оғир меҳнат уларни касал қилиши мумкин”.
(Бу хабар Озодликка 19 июль куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|