Линклар

Шошилинч хабар
24 октябр 2018, Тошкент вақти: 01:30

ҚАШҚАДАРЁ – "Футбол мактаби ёпилиб, 300 дан зиёд мураббий ва ўқувчи кўчада қолиши мумкин!" (ФОТОГАЛЕРЕЯ)


ҒЎЗОР. "Қашқадарё вилояти Ғузор туманидаги футболга ихтисослаштирилган 76-мактаб интернати ёпилиш арафасида. Мактаб ёпилгудек бўлса, 72 нафар ходим ишсиз қолади, 236 нафар ўқувчи таҳсил имкониятидан маҳрум бўлади.

Президент Шавкат Мирзиёевнинг 2018 йил 16 мартдаги “Футболни янада ривожлантириш чора-тадбирлари тўғрисида”ги қарорида вилоятлардаги футбол мактаб-интернатлари базасида футбол академиялари ташкил этиш кўзда тутилган. Шунга мувофиқ Ғузордаги футбол мактаб-интернатини вилоят марказига кўчириб, академияга айлантиришмоқчи. Ҳолбуки, мактаб-интернат академия талабларига жавоб бермайди. Қолаверса, вилоят маркази – Қаршидаги футбол мактаб-интернатини бемалол академияга айлантириш мумкин. Қаршида яна бир неча спорт мактаби бор. Ғузор каби чекка тумандаги ягона спорт мактаби ёпилса, юзлаб иқтидорлар таҳсил имкониятидан мосуво бўлади.

Ғузордаги давлат мактаб-интернати 1996 йилдан фаолият юритиб келади. Ҳозиргача мактаб тарбияланувчилари орасидан миллий кураш, самбо ва дзюдо бўйича 60 дан зиёд Ўзбекистон чемпионлари, футбол бўйича эса 70 га яқин маҳоратли футболчилар етишиб чиқди. Шерали Жўраев, Шуҳрат Арслонов, Давлат Абраев, Абдураҳмон Абдуллаев, Илҳом Жўраев, Бекзод Нурматов каби жаҳон чемпионлари ҳам Ғузор мактаб-интернети сабоғини олган.

Агар Ғузордаги мактаб-интернатни футбол академиясига айлантириш шунчалик зарур бўлса, бўшаб қолган бинода яккакураш турларига ихтисослаштирилган мактаб ташкил этиш лозим. Ана шунда юқорида номлари зикр этилган ўнлаб жаҳон чемпионларини тарбиялаган устоз-мураббийлар кўчада қолмай, ўз фаолиятини давом эттиради, келгусида яна кўплаб чемпионларни тайёрлайди".

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

XS
SM
MD
LG