ПАХТАЧИ. “Самарқанд вилояти Пахтачи тумани “Куйибок”, “Хумор” ва “Пўлатчи” ҚФЙлар ҳудудларида сувчечак эпидемияси тарқалди. Айрим мактабларда бошланғич синфларда камида 50 фоиз ўқувчи сувчечак юқтирган ва юқтирмоқда. 27-мактабда ўқийдиган 4 фарзандим бирин-кетин сувчечак юқтириб келди. Ҳар бири камида 10 кун мактабга боролмади. Сувчечак гриппдан ҳам юқумлироқ экан. Боланинг бутун баданига тошма тошиб, 4-5 кун мобайнида иситмаси тушмас экан.
Ҳеч бўлмаса сувчечак эпидемияси тарқалган мактаблар ўқувчилари эмланса бўлмайдими? Ё бунинг учун давлат бюджетида маблағ йўқми?”
(Озодликка 9 май куни келган бу иддаога муносабат билдирган 27-мактаб директори Камол Саъдинов мактабда ўқиётган бир оиланинг 4 фарзанди сувчечак билан касал бўлганини тасдиқлади. Шунингдек, бир неча ой олдин ҳам 1-2 одам касал бўлганини маълум қилди. Бироқ ёппасига эпидемия тарқалганини рад этди.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|