ШАЙХОНТОҲУР. “Тошкент шаҳри Шайхонтоҳур тумани 141-ўрта мактабдан ёзмоқдамиз. Болалар сони кам бўлгани сабаб мактаб биносининг тепа қаватлари пулли мактабга берилган эди. Энди эса пулли мактаб болалар сони кўпайиб, 141-ўрта мактабни бутунлай тортиб олаяпти. Ўрта мактаб ўқувчиларини эса ҳар хил мактабларга бўлиб юборишмоқчи. Ҳудудга яқин бошқа мактаблар тўлиб бўлган, бошқа бола олмаяпти.
Хўш, пулли мактабда ўқитишга қурби етмайдиган ота-оналар нима қилсин? Халқ таълим вазири Шерзод Шерматовнинг қабулхонасига қўнғироқ қилсак, “бу масалани биз ҳал қилмаймиз, шаҳар Таълим бошқармасига мурожаат қилинглар” дейишди. Шаҳар бошқармаси ҳам, туман бошқармаси ҳам дардимизга қулоқ солмаяпти.
141-ўрта мактаб сақлаб қолиниши керак. Акс ҳолда, 300 нафардан зиёд бола кўчада қолади”.
(Бу хабар Озодликка 9 июль куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|