Линклар

Шошилинч хабар
17 ноябр 2019, Тошкент вақти: 20:16

CАМАРҚАНД – “Ҳақимизни бермаган ва бизни таҳқирлаганларга чора кўрилсин” (ВИДЕО)


CАМАРҚАНД – “Ҳақимизни бермагани етмагандек, бизни таҳқирлаган зўравонларга чора кўрилсин”
Илтимос кутинг

Айни дамда медиа-манба мавжуд эмас

0:00 0:02:40 0:00

УРГУТ. “Самарқанд вилояти Ургут тумани Ўроқбойжар маҳалласидан ёзмоқдамиз. Биз – Хўжамурод Умуров, Рўзибой Сатторов, Машраб Даминов ҳамда Нодир Каримов, жорий йил 5 октябрь куни Жиззах вилояти Бахмал тумани Ўсмат маҳалласидаги 57-мактаб қурилишига бордик.

Қурилишда усталар учун умаман шароит яратилмаган экан. Йўлкира қилиб келганимиз учун ишлашга мажбур бўлдик. Зинани қуриб берсангиз пул берамиз дейишди. Айтилган ишни қилдик. Аммо раис “бутун мактаб йўлагини бетон қилиб берсанглар, кейин пул берамиз” деди.

Бу орада биримизнинг онамиз оғир аҳволда шифохонага тушиб қолди. Иш берувчилардан ҳеч бўлмаса йўл кира сўрадик. Ҳақимизни бериш қаерда, маст ҳолда келиб бизни ҳақорат қилишди.

Шеригимиз ушбу ҳолатни телефони орқали видеога ола бошлади. Шунда маҳаллий зўравонлардан бири шеригимизни “Жентра” русумли (давлат рақами – 25 Е777АА) машинасига тиқиб, калтаклагани олиб кетмоқчи бўлди.

Бу орада улар кўпчиликлашиб куракда турмайдиган гаплар билан ҳақоратлашди, уриб турткилашди. Ялиниб-ёлвориб аранг қочиб қутулдик. Иш ҳақимизни ҳам беришмади. Бизни ҳақоратлаб хўрлашди. Воқеани видеога олган эдик. Телефонимизни ҳам тортиб олишди. Ҳуқуқ идораларидан жиззахлик зўравонларга қарши чора кўришларини сўраймиз”.

(Бу хабар Озодликка 12 октябрь куни келган.)

Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

XS
SM
MD
LG