ОЛМАЛИҚ. “Тошкент вилоятидаги “Олмалиқ КМК” АЖ уй-жойларни таъмирлаш ва улардан фойдаланиш бошқармаси ишчи-ходимлари номидан ёзмоқдамиз. 2018 йил декабрь ойида корхонага янги раҳбарият вақтинча тайинланганди. Аммо биз уларни ўз вазифасига нолойиқ деб ҳисоблаймиз.
Раҳбарларнинг масъулиятсизлиги сабаб “Сувоқова” ДУК бизнинг бошқармага 200 миллион сўмдан зиёд жарима солди. Оқибатда ишчи-ходимлар мукофот пулидан маҳрум бўлдик.
Тегишли ҳужжатларга кўра, кўча супурувчилар 5 кун ишлаши керак. Аммо раҳбарият уларни шанба куни ҳам ишлашга мажбурланмоқда.
Ишхонамизда муҳит бузилган. Раҳбарият ходимлар талаби билан ҳисоблашмайди, ҳақини талаб қилганларни ишдан бўшатиш билан қўрқитади. Юқори идоралардан корхонамизда текширув ўтказишлари, вазифасига номуносиб раҳбарлардан ишдан бўшатиб, муносиб кадрларни тайинлашларини сўраймиз”.
(Бу хабар Озодликка 26 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|