ЯНГИАРИҚ. “Мен – Насиба Жуманиёзова, Хоразм вилоят, Янгиариқ туман, Гулланбоғ қишлоғидан ёзмоқдаман. Намунали уйдан олган эдик, аммо бир йилга бормай уйларимиз захлаб кетди. Қурувчилар “мендан кетгунча...” қабилида иш тутган-да. Прораблар ёзда таъмирлаб берамиз деб алдаб келади.
Намунали уйимиз омборхонаси қурилмаган, ҳаммомга сув келмайди, сув мотори ҳам, ҳаммомга кир ювиш машинаси ҳам ўрнатилмаган. Ҳолбуки, давлат томонидан булар учун маблағ ажратилган.
Янгиариқ туман ҳокимиятига бир неча маротаба мурожаат қилдим, муаммони ҳал қилиш ўрнига ҳоким мени ҳақорат қилди. Туман ободонлаштириш бўлимида 23 йилдан буён ишлаб келардим. 6 ойга ишдан четлатишди, ярим йиллик иш ҳақимни ҳам беришмади.
Уйимизни таъмирлаб беришларини ва меҳнат ҳуқуқимни тиклашларини сўрайман”.
(Бу хабар Озодликка 11 июль куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|