ФАРҒОНА. “Мен – Ҳалима Собирова, Фарғона шаҳри 26-оилавий ётоқхонадан мактуб йўлламоқдаман. Яшаб турган уйимизни тўқимачилик комбинатида узоқ йиллар ишлаб олганмиз. Буни қарангки, шунча йил тер тўкиб олган уйимизни бир тадбиркорга сотиб юборишибди. Энди эса у бизга “сенлар ноқонуний яшаб келмоқдасанлар” дея уйимиздан ҳайдаб чиқармоқда. 1977 йилдан бошлаб комбинатда узоқ йил ишлаб нафақага чиқдим. Қандай қилиб уйни ноқонуний эгаллаб олай?! Шу ташвиш сабаб келиним ҳам кетиб қолди. Ўзим қанд касалига чалинганман, ташвиш устига ташвиш бўлиб тобим қочиб, шифохонада даволаняпман.
Яна икки қўшнимиз бошига ҳам шу муаммо тушган. Тадбиркор бизнинг ҳолатимизни тушунишни ҳам истамаяпти, рамазон кунларида қўполлик қилиб, дўқ-пўписа ёғдирмоқда. Тўқимачилик комбинатида шунча йил ишлаб, энди кўчада қоламизми?!”
(Бу хабар Озодликка 28 май куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|