ЯНГИЙЎЛ. “Тошкент вилояти Янгийўл шаҳридан ёзмоқдамиз. Яқинда “Сиздан Телеграм”да шаҳримиздаги икки қаватли уйлар бузилаётгани, аммо мулк эгалари тураржой билан таъминланмаётгани ҳақида мактубимиз чоп этилган эди. Мактубимиз чиққач, бузиш ишлари вақтинча бўлса-да тўхтатилди. Тошкентдан вакил келди ва уйларимиз ҳозирча бузилмаслигини маълум қилди. Аввал тураржой қуриш ва бизни ўша ерга кўчиришга ваъда беришди. Уйлар бузилади, аммо аввал мулк эгалари тураржой билан таъминланар экан. Очиғи, ҳоким ваъдасида турадими-йўқми, билмаймиз. Нима бўлганда ҳам муаммони ёритганингиз ва кўмак берганингиз учун раҳмат!”
(Бу хабар Озодликка 26 июль куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|