НАВОИЙ. “Навоий шаҳри Маҳмуд Торобий кўчаси 108-110-уйларда яшовчи 96 хонадон номидан ёзмоқдамиз. Кўп йилдан буён йўл масаласида мутасаддиларга арз қиламиз, аммо фойдаси йўқ. Болаларимиз лой кечиб мактабга қатнайди. Бу йўллардан ҳатто киракашлар ҳам юрмайди.
Иситиш тизими ҳам талабга жавоб бермайди. Қишнинг ярмида иситиш тизими панд беради, иссиқ сув келмайди. Умуман, куз-қиш мавсумига пухта тайёргарлик кўрилмайди.
Уйнинг ертўласида эса қишин-ёзин сув оқиб ётади. Подвалдан чиқаётган бадбўй ҳид хонадонларимизга қадар киради. Ширкатга ойлик тўловларни канда қилмай тўлаймиз, аммо ширкат тайинли ишламайди.
Шунча муаммо етмагандек, уйларимиз яқинида 7 қаватли “дом”ларнинг котёлхонаси қурилмоқда. Мутасаддилардан муаммоларни ҳал этишда амалий ёрдам кутиб қоламиз”.
(Бу хабар Озодликка 5 ноябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|