ЯККАБОҒ. “Қашқадарё вилояти Яккабоғ тумани Гулдара қишлоғи Навбаҳор маҳалласидан ёзмоқдамиз. Ҳудудимизда қирққа яқин хўжалик бўлиб, 150 дан ортиқ аҳоли яшайди. Маҳалламизга келадиган автомобиль йўли дарё ёқасидан ўтган. Ана шу йўлимизни ҳар йили баҳорда сел ювиб кетади. Сел келган вақтларда болалар мактабга боролмайди. Беморларимизни эса замбилга солиб, дарёга қўйилган нарвон орқали олиб ўтамиз.
2019 йил баҳор мавсумидаги сел йўлимизни батамом ювиб кетди. Қўл меҳнати билан йўлни битта машина ўтадиган қилиб таъмирлаб фойдаланиб турибмиз. Маҳалла ички йўлларига ободонлаштириш бошқармасига қарар экан. Ободонлаштириш идорасига мурожаат қилсак, режага киритамиз дея мужмул жавоб беришди. Йўлни тезроқ таъмирлаб беришсин”.
(Бу хабар Озодликка 1 ноябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|