Якунига етган ҳафтада Тожикистоннинг хуқуқ тартибот органлари ва россиялик чегарачилар 50 килограмм героинни мусодара қилдилар ва 30 дан зиёд кишини наркотикфурушликда гумон қилиб қўлга олдилар.

Тожикистон Ички ишлар вазирлиги вакили Худойназар Асоевга кўра йил бошидан буён 700 килограммдан зиёд героин мусодара қилинган.
Гиёҳванд моддаларнинг катта қисми Тожикистонга Афғонистондан ўтмоқда. Бу мамлакат жаҳон бўйлаб героин ва афюн етиштираётган етакчи мамлакат бўлиб қолмоқда.