Қозоқистон Республика халқ партиясининг раиси Амиржон Қосанов бугун Алматида матбуот конференцияси ўтказиб, у ва унинг адвокати суроқ қилиш учун солиқ милицияси томонидан чақиртирилганини маълум қилди.

Алмати солиқ милицияси Қосанов ва унинг демократик ислоҳотларни қўллаб-қувватлаш маркази РЕФОРМАга қарши суд иши очилганини расман эълон қилди.
Қосановга кўра, у ва унинг маркази давлатга солиқ тўламаган, деган айб билан текширилмоқда. Унинг қайд этишича, РЕФОРМА нотижорий, нодавлат ташкилотдир ва бу марказ ҳеч қачон бизнес фаолиятлари билан шуғулланмаган.