Бугун Бағдодда чиқиш қилган Ироқ ахборот вазири Муҳаммад Саид аc-Саҳаф сўнгги бир ярим кун мобайнида 43 нафар АҚШ ва Британия ҳарбийси ироқлик аскарлар тарафидан ўлдирилганини маълум қилди.

Бағдод расмийсига кўра, жанглар давомида коалиция қўшинларининг тўртта "Апачи" русумли вертолети уриб туширилган, шунингдек 13та танки портлатилган. Бироқ Ироқ ахборот вазири Муҳаммад Саид ас-Саҳаф берган бу маълумотлар мустақил манбаълар тарафидан тасдиқланмади.