НАТО Бош котиби Яап де Хооп Схеффер Косовадаги халқаро тинчликпарвар қўшинлар жорий йилда ўлканинг мақоми аниқ бўлгандан кейин ҳам у ерда қолишини маълум қилди.

Схеффернинг бу баёноти Белградда Сербия президенти Борис Тадич билан бўлган учрашув сўнггида янгради. Яқинда БМТнинг Косовадаги мартабали вакили Мартти Ахтисаари Сербия ва косовалик албанларга ўлка мустақиллигини таъминлаш борасидаги муросавий режани таклиф этган эди.