Тожикистонда Ўзбекистон исломий ҳаракатига аъзоликда гумон қилинган икки фуқаро қамалди.

Хабарларга кўра, Сўғд вилояти суди тожикистонлик Сафар Сафаров ва Самадхон Аҳадовни ЎИҲга алоқадорлик айби билан 16,5 йилдан 17 йилгача бўлган муддатга озодликдан маҳрум этган.

Сўнгги 2 йил ичида Тожикистонда ЎИҲга алоқадорликда айбланган ўттиздан ортиқ фуқаро қамоққа олинди. Маълум бўлишича, ҳозир Сўғд вилоятида ЎИҲнинг 20дан ортиқ аъзоси қидирилмоқда.