Ўзбекистонлик чавандозлар 10 сентябрь куни ўтказилган “Кўпкари” чавандозлик мусобақасида Туркия жамоасига енгилди. Ўзбек курашчилари эса 4 бронза медални қўлга киритди. “Тўққиз қумалоқ” интеллектуал ўйинида ўзбек спортчилари мусобақаларнинг 5 - турига йўлланма олди.
“Кўпакари” бўйича Туркия билан беллашган ўзбекистонлик чавандозлар рақибларига 6:2 ҳисобида мағлуб бўлди. Бу билан А гуруҳида Ўзбекистон очколар бўйича охирги ўринда бормоқда. Бугун ўзбек чавандозлари Қирғизистон жамоаси билан майдонга тушди. Аммо ўзбек чавандозлари бугунги ўйинда ҳам Қирғизистон жамоасига 11:0 ҳисобида бой берди
Кураш мусобақаларида эса ўзбек паҳлавонлари 4 бронза медални қўлга киритди ва медаллар сони бўйича Монголия билан бир қаторда 6 - ўринда турибди. Бронза медалларни вазни 84 килогача бўлган полвонлар беллашувида Қудрат Бозорбоев ва Камолиддин Маҳкамов қўлга киритди.
Қирғизистон кураш бўйича 8 та олтин, 12 кумуш, 5 бронза, жами 25 медал билан биринчи ва иккинчи ўринни эгалламоқда. Туркманистон курашчилари 3 олтин, 2 бронза медал билан учинчи ўринда, Қозоғистон 1 олтин,1 кумуш, 5 бронза медал билан тўртинчи, Тожикистон 1 олтин, 2 бронза медал билан бешинчи ўринда турибди.
“Тўққиз қумалоқ” интеллектуал ўйинида ўзбекистонлик Жаксибек Холмуродов АҚШ ва россиялик рақибларидан устун келиб 4 ўйинда 3 ғалабани қўлга киритди. У ҳозир турнир жадвалининг 5 ўрнида бормоқда.
Яна бир ўзбекистонлик спортчи Бекзод Ҳайитбоев 4 ўйинда 2 очко тўплаб, турнир жадвалининг 9 ўрнини эгаллаган. “Тўққиз қумалоқ” бўйича якуний натижалар 14 сентябрда эълон қилинади. Жаксибек Холмуродов кейинги ўйинларда яхши натижа кўрсатиб, иккинчи ёки учинчи ўринни эгаллаш имкониятига эга.
Бутунжаҳон кўчманчилар ўйини ўтказилаётган ҳудуд этношаҳарчага айлантирилди
Биринчи Бутунжаҳон кўчманчи ўйинлари 9 -14 сентябрь кунлари Қирғизистоннинг Чўлпонота шаҳрида ўтказилади. Ўйинларда дунёнинг 17 давлати – Озарбайжон, Австрия, АҚШ, Россия, Бразилия, Беларус, Германия, Қозоғистон, Литва, Ўзбекистон, Монголия, Афғонистонн, Тожикистон, Туркманистон, Туркия, Швеция ва Жанубий Кореядан келган спортчилар иштирок этмоқда.