Россияда ҳар куни ўртача хорижда ишлаб чиқарилган 150 тонна озиқ-овқат йўқ қилинмоқда. Бу ҳақда Россия ветеринария ва фитосанитария назорати бўйича федерал хизмати маълумот тарқатди.
Бу ишлар Россия президенти Владимир Путиннинг 6 августдаги фармонини бажариш йўлида амалга оширилаётганини билдирган “Россельхознадзор”нинг қайд этишича, шу кунгача контрабанда ашёси деб тан олинмиш 600 тоннага яқин ўсимлик ва ҳайвонот маҳсулотлари йўқ қилинган.
Озиқ-овқат маҳсулотларининг йўқ қилиниши Россия фуқароларининг бир қисмида норозилик кайфиятини уйғотди. Интернет орқали уюштирилмиш Озиқ-овқатлар йўқ қилинишига қарши петицияни шу кунгача 370 мингга яқин киши имзолагани айтилмоқда.