Ироқ пойтахти Бағдод яқинида 6 март куни бомба ўрнатилган автомашина портлатилиши оқибатида камида 47 одам ҳалок бўлди, ўнлаб одамлар яраланди.
Портлаш Бағдод жанубидаги Хилла шаҳрига кираверишдаги назорат-ўтказиш пунктида одамлар кўп бўлган пайтда содир этилган.
Портлаш учун масъулиятни “Исломий давлат” гуруҳи ўз зиммасига олди.
Associated Press агентлигининг билдиришича, ҳалок бўлганларнинг 39 нафари тинча аҳоли, 8 нафари ҳарбийдир. Бундан ташқари камида 60 одам яраланган ва 50та автомобил пачоқланган.
БМТнинг ҳисоб –китобича, ўтган ойда “Исломий давлат” гуруҳи содир этган террор ҳаракатларида Ироқда камида 670 одам ҳалок бўлган.