Истанбул мэрияси янги йил кечасида ўзбекистонлик худкуш Абдулқодир Машарипов томонидан портлатилган Reina тунги клуби биносини бузиб ташлади.
Туркиядаги ANews, Anadolu агентликлари берган хабарга кўра, шаҳар мэрияси бунга бинонинг баъзи қисмлари ноқонуний қурилганини сабаб қилиб келтирилган.
İstanbul’s nightclub Reina demolished after deadly attackhttps://t.co/3uYl1DYXRV pic.twitter.com/qQLMS8nHJU
— ANews (@anewscomtr) May 22, 2017
Hurriyet нашрининг ёзишича, бино клуби 45 дақиқа ичида бузиб ташланган ва ҳатто, бундан клуб маъмурияти аввалдан огоҳлантирилмаган.
23 май куни Туркиядаги қатор ахборот агентликлари ва ижтимоий тармоқ фойдаланувчилари қисқа муддат ичида бузиб ташланган тунги клуб вайроналари суратларини тармоқларда тарқатди.
End of an era in #Istanbul. Reina, one of the world%27s most spectacular night clubs, attacked by ISIS Jan 1, demolished by municipality yday: pic.twitter.com/lxMrQNeB04
— Benjamin Harvey (@BenjaminHarvey) May 23, 2017
Popularul club #Reina din #Istanbul unde sa petrecut tragedia de anul nou si au fost ucise 39 de persoane a fost demolat pic.twitter.com/6NJu7QtKaX
— turknews.ro (@turknewsro) May 23, 2017
Шу йил 1 январга ўтар кечаси мазкур клубда ўзбекистонлик Абдулқодир Машарипов - Абу Муҳаммад Хуросоний лақабли 34 ёшли шахс томонидан амалга оширилган қуролли ҳужумда 39 киши ўлган, 69 киши жароҳатланганди.
Ҳужум учун масъулиятни “Ислом давлати” экстремист гуруҳи зиммасига олган. Ҳужум ижрочиси Машарипов 16 январ кунги аксилтеррор амалиёти чоғида ушланган.
Hurriyet ва қатор бошқа турк нашрлари Абдулқодир Машариповга Истанбул бош прокуратураси 40та умрбод қамоқ жазоси, шунингдек қотиллик ҳамда бошқа жиноятлари учун қўшимча 2397 йиллик қамоқ жазосига ҳукм қилишни сўрашганини хабар қилган.
Sabah нашрига кўра, 39 киши ўлимига сабабчи бўлган ўзбекистонлик Абдулқодир Машарипов Туркияда ўлим жазоси бекор қилинганганига қарамай суд ҳайъатидан ўзига ўлим жазоси берилишини сўраган.
Машарипов Туркияга 2016 йил январида Эрон орқали келгани, бир муддат Кўнё шаҳрида яшагани, кейин “Исломий давлат” масъулларидан Истанбулда террор хуружи уюштириш амрини олганини билдирган.