АҚШ президенти Доналд Трамп Шимолий Кореянинг қитъалараро баллистик ракетани шу ҳафта бошида синовдан ўтказганига жавобан “анча кескин чоралар” кўриш ҳақида ўйлаётганини айтди.
6 июлда Варшавада гапирган Трамп барча мамлакатларни Шимолий Кореянинг “жуда жуда ёмон рафтори”га қарши бирлашишга чақирди.
"Уларнинг бундай рафтори уятлидир, - деди Трамп Шимолий Корея раҳбарлари ҳақида гапираркан. – Аммо улар жуда хавфли ҳаракатарни қилишмоқда ва бунга қарши бир нарса қилиниши керак."
5 июлда АҚШнинг БМТдаги элчиси, Никки Ҳилей, “агар керак бўлса”, АҚШ Шимолий Кореяга қарши “сезиларли ҳарбий куч” ишлатишини айтганди.