АҚШ президенти Дональд Трамп ўз партияси томонидан кескин танқидга учраганидан сўнг киберхавфсизлик масаласида Россия билан ҳамкорлик қилиш тўғрисидаги қарорини ўзгартирди.
Трамп бу масалада Путин билан Германияда 7-8 июлда ўтган "Катта йигирматалик" саммити доирасида ўтказган учрашуви пайтида келишиб олган эди.
Трамп ўз қароридан воз кечгани тўғрисида Твиттерда маълум қилар экан: “Путин билан киберхавфсизлик ҳамкорлиги ҳақида гапирганим, бу иш амалга ошади дегани эмас”, деб ёзди.
Трампни танқид қилганлардан бири, Республикачси сенатор Линдси Грэм:
-Трамп Россияни ҳисобга олмаганда, дунёни яхши тушунади. Жаноб президент сиз Россия ҳақида гап кетганида Путиннинг адолатсиз ҳаракатларини қўллаш, Россиянинг сиёсатини унтиш ва кечириш орқали халқни бошқаришда ўзингизга ўзингиз ҳалақит қилаяпсиз,- деб айтди.