Туркия президенти Эрдўғон Саудия Арабистони, Қувайт ва Қатарга 2 кунлик сафарини бошлади.
Сафари олдидан у: "Бу минтақадаги инқирознинг чўзилишидан ҳеч бир томон манфаат кўрмайди", деб баёнот берди.
Саудия Арабистони, Баҳрайн, Бирлашган Араб Амирликлари, Миср ва бошқа давлатлар "Ислом давлати" террор гуруҳи ҳамда Эронга иттифоқчи кучларни қувватламоқда, деган важ остида Қатар билан дипломатик, савдо алоқаларини узган.
Қатар эса айбловларни рад этмоқда ва токи, миллий суверенитети ҳурмат қилинаркан, музокараларга очиқлигини билдирган.
Минтақага сафар қилаётган Эрдўғон 23 июл куни Саудий қироли Салмон билан учрашади, кейин эса Қувайтга боради. 24 июл куни эса унинг Қатарга бориши ва шу билан сафарини якунлаши режалаштирилган.