АҚШ президенти Дональд Трамп мамлакатда юзага чиққан ирқчилик кўринишларини қоралади ва Виржиния штатининг Шарлотсвилл шаҳрида юзага чиққан тўқнашув учун айбдорларнинг жавобгарликка тортилишини билдирди:
- Ирқчилик бу ëвузлик ва ирқчилик номидан зўравонлик қилганлар¸ жиноятчи ва қотиллардир. KKK (АҚШдаги оқ танлиларнинг Ку Клукс Клан тармоғи-таҳр.)¸ неонацистлар¸ оқ танлилар устунлигини тарғиб қилувчи ва нафрат ëйувчи бошқа гуруҳлар биз америкаликлар қадрлайдиган ҳамма нарсадан ҳазар қилади. Биз ҳамманинг бир хил яратилгани ҳақиқати устига қурилган давлатмиз¸ деди президент Трамп жумладан.
Оқ уй раҳбарининг айтишича¸ у Шарлотсвиллда юзага чиққан тўқнашув учун масъулларни топиб¸ жазолаш масаласини Бош прокурор ва Федерал тергов бюроси раҳбари билан учрашувда махсус муҳокама қилган.
12 август куни ашаддий ўнгчилар билан улар мухолифлари ўртасида тўқнашув юзага чиқди ва бир одам нобуд бўлди. Трампнинг бу зўравонликни кечикиб¸ “ҳамма томондан” деган умумий жумла билан қоралагани кескин танқидларга сабаб бўлди.