Россиядаги қатор юқори даражали амалдорларнинг хотинлари ўз эрларидан юзлаб баравар кўпроқ пул топади.
Forbes Woman журнали эълон қилган 2016 йилги россиялик амалдорларнинг энг бадавлат хотинлари бешлигига Татаристон президентининг хотини Гулсина Миннихонова, Брянск области губернатори рафиқаси Ольга Богомаз, давлатга қарашли "Ростех" ширкати раиси Сергей Чемезовнинг хотини Екатерина Игнатовалар кирди.
Рўйхат тепасидан жой олган Татаристон президенти хотинининг йиллик даромади 2 миллиард рублни (қарийб 35 миллион АҚШ доллари) ташкил этади.
Forbesга кўра¸ Минниханова Қозон Кремли ëзида жойлашган спа-комплекс, меҳмонхона, ресторан ва фитнес-клубни ўз ичига олувчи катта комплекс мулкдорларидан бири.
Татаристон президентининг йиллик даромади¸ у тўлдирган солиқ декларациясига кўра¸ 7¸5 миллион рублни ташкил этади.