АҚШ президенти Доналд Трамп Шимолий Кореяга нисбатан "фақат биттагина чора иш бериши мумкин", деб баёнот берди.
Аммо, бу чора конкрет нима экани ҳақида тўхталмади.
7 октябр куни Twitter тармоғидаги саҳифасида қолдирган шарҳида Трамп: "Президентлар ва уларнинг маъмуриятлари Шимолий Кореяга 25 йилдан бери гап уқдириб келадилар, қанча шартномаларга эришилди ва катта маблағлар тўланди. Аммо, бу иш бермади. Шартномалар ҳали қоғоздаги сиёҳ қуримай бузилди. АҚШ музокарачилари аҳмоқ қилинди. Узр-ку, бу вазиятда фақат битта чора иш бериши мумкин!" деб ёзди Трамп.
Бунга қадар АҚШ президенти, агар зарур бўлса, ўзи ва иттифоқчиларини ядровий таҳдиддан қўриш учун Қўшма Штатлар Шимолий Кореяни "бутунлай йўқ қилиши мумкин" деб баёнот берган.
Шимолий Корея БМТ резолюцияси ва халқаро ҳамжамият қоралашларига қарамай, кетма-кет ядровий ва баллистик ракеталар синовини ўтказиб келмоқда.