Нью –Йоркнинг “Таймс сквер” мавзеси яқинидаги Порт-Аторити автобус терминалида 11 декабрь куни худкуш ўзини портлатишга ҳаракат қилгани оқибатида уч киши яраланди.
Полицияга кўра, террорчилик сифатида қаралаётган мазкур ҳужум маҳаллий вақт билан эрталабки 7:30да содир этилган. Бироқ қўлбола портловчи мослама қўпол ва сифатсиз ясалгани ортидан унинг портлаш кучи заиф бўлган. Бунинг оқибатида худкуш оғир яраланган. Айни пайтда у ва ҳужумда яраланган яна уч киши касалхонада даволанмоқда.
Полиция воқеа жойида қўлга олинган 27 ёшли худкушнинг исми Аканд Улла эканини ҳамда у АҚШга Бангладешдан келгани таҳмин қилинаётганини айтмоқдалар.
Оқ Уй матбуот котиби Сара Хукаби Сандерс воқеадан президент Трамп хабардор қилинганини айтар экан:
-Бу ҳужум АҚШ Конгресси президент билан иммиграциявий ислоҳотлар масаласида ҳамкорлик қилиши лозимлигини таъкидламоқда. Бу ислоҳотлар бизнинг миллий хавфсизлигимиз ва жамаот хавфсизлигини таъминлашга қаратилган, -деб айтди.