Россия президентлиги учун сайловолди кампанияси 18 декабрда бошланади, президент сайлови эса 18 мартда бўлиб ўтади.
Сайлов ва сайловолди муддати Россия парламентининг юқори палатаси - Федерация Кенгашида 15 декабрда ўтказилган овоз бериш жараёнидан кейин эълон қилинди.
Президент Владимир Путин ўтган ҳафтда олтинчи муддатга сайланиш мақсадида ўз номзодини илгари суришини эълон қилганди.
14 декабрда журналистлар билан бир неча соат давомида жонли мулоқот ўтказган Владимир Путин сайловда мустақил номзод сифатида иштирок этишини маълум қилди.
18 декабрдан кейин номзодлар рўйхатдан ўтиш учун 20 кун давомида Марказий Сайлов Комиссиясига ҳужжат топширишлари керак бўлади.
Мустақил номзодлар камида 300 минг имзо тўплашлари, партия номзодлари эса камида 100 минг имзо тўплашлари лозим бўлади.