АҚШнинг Флорида штатидаги Паркланд шаҳри мактабларидан бирида 14 февраль куни 19 ёшли Николас Круз уюштирган қуролли ҳужум оқибатида камида 17 одам ҳалок бўлгани ва таҳминан 50 одам яралангани хабар қилинди.
Хабарларда айтилишича, 12 одам мактаб ичкарисида, 3 одам мактаб ҳовлисида ва 2 одам касалхонада ҳалок бўлган.
Ҳужумчи полицияга ҳеч қандай қаршиликларсиз таслим бўлган. Маълум бўлишича, Николас Круз мазкур мактабнинг ўқувчиси бўлган ва мактбадан “тартиб- интизмомни бузгани учун” ҳайдалган.
Бу жорий йилда АҚШ мактабларида юз берган 18 - отишма бўлди.
Аввалроқ 14 февраль куни Мэриленд штатидаги миллий хавфсизлик агентлиги штаб-квартираси яқинида юз берган отишмада 3 киши жароҳатлангани ва уч нафар ҳужумчи қўлга олингани хабар қилинган эди.
Хабарда айтилишича, Форт-Мид шаҳридаги Миллий хавфсизлик агентлиги университетига транспорт воситасини бошқарган шахслар рухсатномасиз киришга ҳаракат қилган. Қўлга олинганлар террорчи гуруҳларга мансуб эмаслиги айтилмоқда.