Президент Трамп АҚШнинг Флорида штати Паркланд шаҳри мактабларидан бирига қилинган ҳужумни қоралади ва тез орада мамлакатда мактаблар хавфсизлигини таъминлашга ваъда берди:
-Мана шу ой ичида губернаторлар, бош прокурорлар билан учрашамиз ва улар мактабларимизни хавфсизроқ бўлишини таъминлайди. Мактабларимиз ва болаларимиз хавфсизлигини таъминлаш биринчи галдаги вазифадир, - деди Трамп 15 февраль куни Оқ Уйдан туриб телевидения орқали қилган чиқишида.
Трамп яқин кунларида воқе бўлган жойга бориб, одамлар билан учрашишини ҳам билдирди.
Аввалроқ президент Парклендда ҳалок бўлганлар хотирасига элчихоналар ҳамда ҳарбий қисмларда АҚШ байроғини туширишга кўрсатма берган эди.
14 февраль куни 19 ёшли Николас Круз Паркланд шаҳри мактабларидан бирига уюштирган қуролли ҳужум оқибатида камида 17 одам ҳалок бўлгани ва таҳминан 50 одам яраланган.
Ҳужумчи полицияга ҳеч қандай қаршиликларсиз таслим бўлган. Маълум бўлишича, Николас Круз мазкур мактабнинг ўқувчиси бўлган ва мактбадан “тартиб- интизмомни бузгани учун” ҳайдалган.
Бу жорий йилда АҚШ мактабларида юз берган 18 - отишма бўлди.