АҚШнинг Флорида штати Паркланд шаҳридаги мактабга ҳужум пайтида соғ-омон қолган ўқувчилар қурол савдосини қатъий назоратга олувчи қонун қабул қилиш талаби билан Вашингтонда намойиш ўтказмоқчи.
March for Our Lives деб номланган мазкур тадбирни ўтказиш 24 март кунига белгиланди. Ташкилотчиларга кўра, бундан мақсад кўпроқ сиёсатчиларни қурол савдосини назорат қилишни кучайтирувчи қонунларни қабул қилишга ундашдир.
Мактаб ўқувчилари Паркленд мактабини қурол савдосига қарши курашнинг марказига айлантиришмоқчи. Статистик маълумотларга қараганда АҚШда ҳар йили ўқотар қуроллардан 30 минг киши отиб ўлдирилади.
14 февраль куни 19 ёшли Николас Круз Паркланд шаҳри мактабларидан бирига уюштирган қуролли ҳужум оқибатида камида 17 одам ҳалок бўлган ва таҳминан 50 одам яраланган.
Ҳужумчи полицияга ҳеч қандай қаршиликларсиз таслим бўлган. Маълум бўлишича, Николас Круз мазкур мактабнинг ўқувчиси бўлган ва мактбадан “тартиб- интизмомни бузгани учун” ҳайдалган.
Бу жорий йилда АҚШ мактабларида юз берган 18 - отишма бўлди.