Чехословакия компартияси бош котиби Александр Дубчек раҳнамолигида бошланган ва тарихга “Прага баҳори” номи билан кирган демократик ўзгаришларни бостириш учун 1968 йилда Чехословакия ҳудудига 500 минг Совет аскари киритилганига 50 йил тўлди.
Совет армияси билан тўқнашувларда 137 нафар чехословакиялик ҳалок бўлган, 500 нафардан кўпроғи оғир яраланган эди.
Александр Дубчек социализмга инсоний қиëфа бахш этиш ниятида цензурани бекор қилган ва мамлакатда кўппартиявийлик тизимини қарор қилиш ниятида эди. Бироқ "Данубе" деб аталган босқин амалиёти Александр Дубчек бошчилигида бошланган сиëсий ва иқтисодий ислоҳотларга чек қўйди. Чехословакия истилоси 1991 йилгача давом этди.