АҚШ президенти Дональд Трамп агар ўзига импичмент эълон қилинса, бозор «остин-устун» бўлишидан огоҳлантирди.
23 август куни "Fox & Friends" телекўрсатувида журналистнинг сўнгги воқеалар ортидан Трампга импичмент эълон қилиниши эҳтимоли борлиги юзасидан берган саволига президент:
-Президентлик вазифасини бошқаларга қараганда энг аъло даражада бажараётган одамга қандай қилиб импичмент эълон қилиш мумкин? Айтишим мумкинки, агар менга қачондир импичмент эълон қилсалар, ўша куни бозор остин-устин бўлади,-деб жавоб берди.
Вашингтон судининг Ҳакамлар ҳайъати президент Трампнинг сайлов штаби бошлиғи бўлган Пол Манафортни билдирлиган 18 айбловнинг 8таси бўйича айбдор деб топди.
Ҳакамлар Манафорт 5 ҳолатда солиқларни яширган, икки ҳолатда банк фирибгарлигини амалга оширган ва бир ҳолатда хориж давлатларидаги банк ҳисобларини яширган деган қарорга келди.
Манафорт устидан суд Трампнинг сайлов пайтида Россия билан тил бириктирганига оид иддаолар бўйича ўтказилаётган биринчи жараён бўлди. Бу иш юзасидан терговни махсус прокурор Роберт Мюллер олиб бормоқда.
Трампнинг адвокати Майкл Коэн эса 22 августда Манхеттен федерал судида сайлов пайтидаТрампнинг сайлов штаби бюджетидан порноактриса Стефани Клиффордга, модель Карен Макдугалга Трамп билан ишқий муносабатда бўлгани тўғрисидаги маълумотларни ошкор этмасликлари учун катта миқдорда пул тўлаб берганини тан олган эди.
Бу воқеалар ортидан АҚШ матбуоти “Трампга импичмент эълон қилиниши мумкинми?” деган савол атрофида баҳсга киришган.