Президент Дональд Трамп АҚШ ҳарбийларига Мексика билан чегарада тартибсизликлар ёки чегарачилар ва божхоначилар ҳаётига таҳдид туғилган пайтда мигрантларга қарши қурол ишлатишга рухсат берди.
Бу ҳақда Дональд Трамп 22 ноябрь куни журналистларга берган интервьюсида маълум қилди.
-Қурол ишлатишга рухсат бердим. Умид қиламанки, уларга қурол ишлатиш зарурати бўлмайди. Аммо улар камида 500 нафар жиддий жиноятчилар билан тўқнашиши мумкин. Менда бошқа танлов йўқ. Мен ҳарбийлар қурол қўллашини асло хоҳламайман. Лекин улар шафқатсиз одамларга тўқнаш келмоқдалар,-деди Трамп.
Айтиб ўтиш лозимки, АҚШда тинчлик пайтида ҳарбийларга полиция ваколатлари берилиши тақиқланади.
Аввалроқ АҚШнинг жанубий чегараларига Лотин Америкасидан мигрантлар оқими яқинлашаётгани хабар қилинган эди. Трамп уларнинг орасида “каллакесарлар” ҳам борлигини иддао қилган.
Бунинг ортдиан Мексика билан чегараларга яна 6 минг нафар ҳарбий жўнатилган эди.