Пиза минораси сўнгги 20 йилда 4 сантиметрга тўғриланди. Бу ҳақда Италиянинг Пиза шаҳри университети олимлари 22 ноябрда баёнот беришди. Олимларга кўра, бу сўнгги 200 йилдан бери Пиза минораси “ёшариб бораётгани”ни англатади.
Халқаро тадқиқотчилар гуруҳи 1993 йилдан 2001 йилгача минорани тўғрилаш ишларини олиб борган.
Пиза минораси қурилиб битганидан беш йил ўтиб ёнбошга оға бошлаган эди. Бунга 1173 йилда қурувчилар миноранинг учинчи қаватини қураётганида бино остидаги ер чўккани сабаб бўлган. Маълум қилинишича, миноранинг жанубий қисмидаги ер шимолий қисмидаги ерга қараганда юмшоқроқ.
Қурилиш ишлари 1360 йилда якунланган. Ўшандан бери минора оғиб бораётган эди. 1990 йилга келиб минора ўз вертикалидан 4,5 метрга қийшайгани аниқланган ва бино вайрон бўлиш хавфи остида қолган эди.
Шундан сўнг Пиза минораси бир неча йилга туристлар учун ёпиб қўйилган. Минорани реставрация қилишга эса халқаро мутахасислар жалб қилинган эди.