Эстониялик ҳуқуқ фаоли, фин-угор халқари халқаро ҳаракати аъзоси Оливер Лооде Россияга киритилмади.
«URALIC туб халқларни ривожлантириш маркази» раҳбари бўлган Лооде Ленинград вилоятининг Кингисепп шаҳрида фин-угор тилига бағишланган анжуманда иштирок этиш учун Россияга келган эди.
Лооде Фейсбук саҳифасида "Ивангород-Нарва" чегара назорат -ўтказиш пунктида уни Россия чегарачилари тўхтатгани ва унга 2073 йилнинг 25 октябрига қадар Россияга кириш тақиқлангани тўғрисидаги ҳужжатни топширганларини ёзди.
Лооде Россиянинг бу ҳаракатига норозилик билдирмади. У Россия мустақил давлат сифатида кимни киритиш ва киритмасликни ўзи ҳал қилишини айтди. Бироқ фаолни унга Россияга 55 йил муддатга кириш тақиқлангани ҳайратга солган. Лооденинг айтишича, 55 йилдан сўнг у 99 ёшда бўлади.
Лооде Россия томонидан босиб олинган Қримни озод қилиш халқаро ҳаракатининг асосчиларидан бири ҳисобланади.