Роскомнадзор BBC World News телеканалининг Россиядаги фаолиятини ҳамда унинг сайтлари Россия қонунларига қай даражада мувофиқ эканлигини текширмоқда.
21 декабрь куни Роскомнадзор ушбу текширувнинг мақсади BBC рус тилида яратаётган контент Россия қонунларига қанчалик мос келишини аниқлаш эканлигини билдирди.
Аввалроқ Британиянинг Ofcom давлат назорат агентлиги Россиянинг RT телеканали йил давомида бетарафлик қоидаларини бузганини маълум қилган эди. Хусусан, агентлик билдирувида рус телеканали собиқ Россия жосуси Сергей Скрипаль ҳамда унинг қизи Британияда заҳарланишини бетараф ёритмагани учун унга қарши санкция жорий қилиш масаласи кўриб чиқилаётгани айтилади.
Кремль матбуот котиби Дмитрий Песков Роскомнадзор текшируви Ofcom текширувига жавобан бошланганини айтди.
Россия ташқи ишлар вазири Мария Захарова Роскомнадзор қарорини олқишлади.
Бу орада BBC Россия қонунларига тўлиқ амал қилган холда мустақил хабар тарқатиб келаётганини билдирди.