Президент Дональд Трамп АҚШ жаҳонда тенги йўқ ракетадан мудофаа тизимини, жумладан, коинотда ҳам барпо қилиш учун янги технологияларни кашф этиш устида ишлайди, деб билдирди. Трампга кўра, бу иш Россия, Хитой, Эрон ва Шимолий Корея каби рақибларга нисбатан устунликни қўлга киритиш мақсадида амалга оширилади.
Бу ҳақда Трамп Пентагонда 17 январь куни 2010 йилдан то шу кунгача ракетадан мудофаа тизимида юз берган ўзгаришларни шарҳлаб сўзлаган нутқи давомида айтди.
-Биз Қўшма Штатларнинг ҳар битта шаҳрини ҳимоя қила оладиган ракетадан мудофаа тизимини яратишга интилаяпмиз. Биз бу ишни амалга ошириш юзасидан мавжуд бўлган ўз ҳуқуқимизни ҳеч ким билан муҳокама қилмаймиз,-деди Трамп.
Президент коинот жанговар ҳаракатларнинг янги сфераси бўлишини ва келажакда коинот кучлари асосий ҳал қилувчи воситага айланишини таъкидлади.
Трампдан олдин сўзга чиққан мудофаа вазири вазифасини бажарувчи Шанахан Россия ва Хитой “кўриш, аниқлаш, кузатиш ва йўқ қилиш оғир бўлган ракеталарни ишлаб чиқариш устида ишлаётгани”ни билдирди.