АҚШ махсус прокурори Роберт Мюллернинг, 2016 йилги АҚШ президент сайловига Россия аралашувига оид илк хулосалари 24 мартда ошкор этилиши кутилмоқда.
Адлия вазири Уильям Барр 22 мартда Мюллернинг узоқ кутилган ҳисоботини олгандан сўнг, Конгресс етакчиларига ёзган хатида, 22 ой давом этган терговнинг “принципиал хулосалари”ни “жорий дам олиш кунлари”да эълон қилишини билдирди.
АҚШ ОАВ хабар қилишича, Барр икки йиллик тергов кульминацияси бўлган Мюллер ҳисоботини ўрганиб чиқаётгани, 24 мартда Конгрессда ушбу масала юзасидан брифинг ўтказишини айтган.
Мюллернинг ҳисоботи, Барр, Адлия вазирлиги, Конгресс ва Оқ Уй фикрлари ҳисобга олинган ҳолда, тўлиқ ёки қисман жамоатчиликка ошкор этилади.
Иккала партиянинг ҳам парламент аъзолари ҳисобот бошдан-оёқ ошкор қилиниши кераклигини айтмоқда. Айниқса, демократлар Оқ Уйдан хулосани таҳрир қилиш ва тафсилотлар тўлиқ ошкор этилишига тўсиқ қўйилишига йўл қўймасликни талаб қилмоқда.