НАТО Бош котиби Йенс Столтенберг ташкилот тарихида биринчи марта 3 апрель куни АҚШ Конгрессига мурожаат қилди.
Столтенберг ўз сўзида Россияни ўртача масофага отиладиган ядровий ракеталарни ишлаб чиқармаслик бўйича шартномадаги мажбуриятларига амал қилишга чақирди ҳамда Москванинг агрессив сиёсатини танқид қилди.
-Бироқ биз Россияни ҳалқаро ҳамжамиятдан ажратиб қўйишни истамаймиз. Биз Россия билан яхши муносабатлар ўрнатишга интиламиз, - деди Столтенберг.
НАТО Бош котиби ўз ташкилоти Европага ядровий ракеталарни жойлаштирмаслигини таъкидлади ҳамда НАТО Россия билан янги «совуқ уруш»ни бошлашдан манфаатдор эмаслигини айтди.
Столтенберг Вашингтонгга НАТО ташкил этилганининг 70 йиллиги муносабати билан 3 -4 апрель кунлари ўтадиган саммитда иштирок этиш учун борган. Саммитда НАТОга аъзо 29 давлат мудофаа вазирлари қатнашади. Мазкур саммитда Россия билан муносабатлар масаласи муҳокама қилиниши кутилмоқда.
НАТОнинг нуқтаи назарича, Россия 1987 йилда имзоланган ядровий ракеталар тўғрисидаги шартномага амал қилмай, янги SSC-8 ракетасини ишлаб чиқиб, ўз ҳудудида жойлаштирмоқда. Мазкур ракетани мудофаа техникаси деярли аниқлай олмайди. НАТО бу ракетани Европа хафвсизлиги учун таҳдид деб билмоқда.